На "Госпадзе, Цябе клічу..." чатыры песьні актойха належнага тону, пасьля:

Песьні Трыядзі (Тон 8): Ты, Госпадзе, што расьцягнуў дабравольна далоні Твае на крыжы, зрабі нас годнымі пакланіцца яму з сэрцам скрушлівым, прасьветленым пастом і малітваю, устрыманасьцю і добрымі ўчынкамі, бо Ты добры і Чалавекалюбец.

Усядобры Госпадзе, мноства грахоў маіх ачысьці ў міласэрнасьці Тваёй і, як Чалавекалюбец, дазволь мне ў гэтым тыдні посту з чыстай душою аглядаць і цалаваць пачэсны Крыж Твой.

(Тон 3): Вялікі цуд! Бачым дрэва, на якім дабравольна целам быў укрыжаваны Хрыстос. Сьвет пакланяецца яму і, прасьветлены ім, кліча: "Магутная, крыжу, сіла твая! Сам выгляд твой праганяе дэманаў, і знак твой, быццам агонь, паліць іх. Узьвялічваю і шаную цябе, слаўнае дрэва, і пакланяюся табе, і табою слаўлю Бога, які дае мне вечнае жыцьцё".

Тры песьні і багародзічны з мінэі.

Уваход з кадзілам. Вялікі пракімен: "Ты, Божа, даў спадчыну...".

Вершапесьні

(Тон 8): Ня сьмею, няшчасны, глянуць на неба дзеля мноства благіх учынкаў маіх. Але як мытнік, стогнучы, клічу: "Божа, ачысьці мяне, грэшнага, і вызваль ад фарысейскай крывадушнасьці, бо Ты адзіны добрасардэчны". (Двойчы)

Мучанікі Гасподнія, вы асьвячаеце кожнае месца і ацаляеце немачы. Маліцеся цяпер, просім вас, каб нашым душам вызваліцца ад сеці ворага.

Слава ... цяпер ...

(Тон 8): Нябесныя сілы пяюць хвалу Табе, поўная ласкі Дзева Маці, і мы таксама славім нязьведанае тваё сынараджэньне. Маліся, Багародзіца, за збаўленьне душаў нашых.