(Тон 4). Як боскія сьветачы, што зьзяюць ўгары, духоўнымі промнямі вы прасьвятляеце сьвет, адганяеце цемру і выкрываеце хітрасьці бесаў; дзеля гэтага сьвяткуем вашую сьветлую і боскую памяць.

Убачыўшы райскую красу і загарэўшыся жаданьнем яе, вы, пачэсныя, прарасьцілі сьвету нятленныя краскі богапазнаньня. Маючы ваш прыклад перад вачыма, з любоўю стараемся чыніць карыснае для душаў нашых.

Жыцьцё вашае зьзяла, быццам сонца, і было прыкладам для мноства посьнікаў. Цяпер вы, праслаўленыя, разам з імі жывеце ў Боскай славе і моліцеся за збаўленьне душаў нашых.

Багародзічны (тон 4). Я таплюся ў моры маіх правінаў, і таму прыбягаю да ціхага прыстанішча малітвы Тваёй, Багародзіца, і клічу: “Працягні магутную руку слузе Твайму, Усебеззаганная, і збаў мяне!”

Крыжабагародзічны (тон 4). “Меч пранізаў, Сыне мой, сэрца маё, згодна з тым, што было мне прадказана раней, калі я ўбачыла, як Ты, Хрысьце, больш цудоўны за ўсіх сыноў зямных, даў сябе павесіць на крыжы сярод разбойнікаў”.

Адпушчальны трапар

(Тон 2). Заручыўшыся з вашым адзіным жаданым Жаніхом і адкінуўшы часовы зямны саюз, узмужнеўшы ў дабрадзейных подзьвігах, вы ўзышлі на вышыню нятленнасьці, поўныя духоўнай красы і багацьця, і сталіся ўзорам і прыкладам законнага жыцьця для ўсіх. Маліцеся цяпер безупынку за нас, якія з любоўю спраўляем вашу памяць.