На “Госпадзе, Цябе клічу...”:
(Тон 6). Уславім належна, верныя, подзьвігі
мудрага посьніка і змагара Хрыстовага і ўсклікнем Госпаду: “Малітвамі яго,
Хрысьце Божа, выбаў нас ад усіх бедаў”.
Бог даў табе вялікі і поўны супакой пасьля таго, як ты
перанёс буру нягодаў, сьвяты ойча ...,
непераможны змагару і заступніку душаў нашых.
Ты, мудры і баганосны мучаніку, пацярпеў за праўду і,
стаўшыся мудрым у Бога, паказаўся ўсім як другі дом Творцы ўсяго, царкоўны
сьветач і мучанікаў краса.
Слава... цяпер...
Багародзічны (тон 6). Багародзіца Дзева чыстая,
прасі Госпаду, каб малітвамі Тваімі даў душам нашым адпушчэньне грахоў, супакой
і веліч зьмілаваньня.
Крыжабагародзічны (тон 6). Убачыўшы на дрэве
павешанае Жыцьцё нашае, Ты, усебеззаганная Багародзіца, заплакала па-матчынаму і
ўсклікнула: “Сыне і Божа мой, збаў тых, што з любоўю славяць Цябе!”
Адпушчальныя трапары
(Тон 8). У табе, ойча, верна захаваўся вобраз
Божы: узяўшы крыж, ты пайшоў усьлед за Хрыстом і на справе навучаў не клапаціцца
аб целе, бо яно прамінае, але дбаць пра душу, рэч несьмяротную. Дзеля гэтага
разам з анёламі радуецца, сьвяты ..., дух
твой.
|
Галерэя
