Літургія
Трапары
Трапар Захара (тон 4).
Апрануты ў сьвятарскую вопратку, ты, мудры Захар, згодна з законам Божым
прыносіў пабожна цэлапаленьні, і быў для ўсіх сьветачам і сьведкам тайнаў,
яўляючы ў сабе знак ласкі. Ты быў забіты мячом у сьвятыні. Разам з Прадвесьнікам
маліся, прарок Хрыстовы, за збаўленьне душаў нашых.
Або:
Трапар абоіх (тон 2).
Спраўляючы памяць праведных Тваіх, Госпадзе, Захара і Альжбеты, праз іх молімся:
Збаў душы нашыя.
Кандак Захара (тон 3).
Прарок і сьвятар найвышэйшага Бога Захар, бацька Прадвесьніка і тайнік Божае
ласкі сёньня запрашае нас, быццам на багатую бяседу, сьвяткаваць памяць сваю. Ён
зьмяшаў нам усім напітак справядлівасьці, за што быў неправедна забіты.
Пракімен (Пс 63:11,12).
Праведнік узрадуецца ў Госпадзе і знойдзе прыпынак у Яго.
Верш: Пачуй, Госпадзе, голас малітвы маёй.
Апостал: Гэб 6:13-20
Алілуя (Пс 131:9; 96:11). Сьвятары Твае,
Госпадзе, апрануцца ў справядлівасьць, і сьвятыя Твае ў радасьці жыць будуць.
Верш: Сьвятло ўзыходзіць для справядлівых, і
радасьць для людзей правага сэрца.
Евангельле: Мц 23:29-39
Прычасьнік. Памяць праведніка жыць будзе вечна,
благое весткі ён не збаіцца. Алілуя, алілуя, алілуя. |
Галерэя
